رســــــــــــاله الـــى كــــل مغترب

استعرض الموضوع السابق استعرض الموضوع التالي اذهب الى الأسفل

هام رســــــــــــاله الـــى كــــل مغترب

مُساهمة من طرف الـضــاحــــ13ـــيــه في الثلاثاء نوفمبر 20, 2007 1:58 am

هذا حال المغترب مع الليل


ياليل هم رجعت شتريد وك ياليل



من وحشتك شيبت و الحيل ما ظل حيل



مثل الرماد اشتعل و ابقى احترك كلي



من اذكر امي الصبح من تكعد تصلي
يجاوبه
يا ما نصحتك انا , تذكّر شنساك



كتلك بلادك ذهب هو الذي سواك



و انت ابن هذا البلد لا تنكر الرباك



غشوك وصفوا الك دنيا و سعادة و خير



ما تدري شما هجر لازم يعود الطير
يردله
هسه انا وين اصبحت عنهم و وين اهلي



بس عين عندي بقت منها الدموع تسيل



اشتاكيت لاهلى انا و لكعدت اخواني



و كلمة هلا و مرحبا بشفاف جيراني
يجاوبه
شوداك لاهل الغرب شتسوي رحت هناك



من ترجع من الشغل منهو اليتلكاك



امك تحضر الغدة و اختك تصبلك ماي



جاي انت من الشغل مية هلا بهالجاي



و كلشي محضر الك و كاوي لك هدومك



و ابنك يشبكك شبك و يشاركك نومك
يردله
شتاكيت لاهلي انا و لكعدة اخواني



و كلمة هلا و مرحبا بشفاف جيراني



ملعون هذا الزمن ليوين وداني



خلاني اخلص الوكت بالحسرة و الياويل



يجاوبه
تشوفهم بالغرب كل واحد و ربعه



تكعد و مالك ربع و بعينك الدمعة



مو جنا نطلع سوة للجامع الجمعة



و الثوب ابيض حلو و من تمشي شمحلاك



اي لعد ما تكلي منو الوداك هناك
يردله
الليل بس يم هلي ثوب الفرح لابس



و محلاهه من تنسمع صفارة الحارس



زاد اهلي طيب يظل لو بس خبز يابس



و مكره زاد الغرب بالمنة و التذليل
يجاوبه
ببغداد عدنا حلو لمن يصير غروب



عالجسر فوك الجسر تمشي انت و المحبوب



و دجلة تحضنك حضن و تحس العمر ما فات



و محلاهه لمت هلك و كاعد بالكريعات
يردله
شتاكيت انا لموطني و احسد اللي شافة



و لماي دجلة العذب من تشربه تتعافه



يا ريت منه العسل لو رادن شفافة



و انا الك مشتاك يا جاي ابو الهيل
يجاوبه و هنا يحسمها
و لو تجي و تفتر بعد و تدخل على المنصور



طيبة و حنان و عشك و طيور احلى طيور



و العيدعدنا حلو والله يا عيدي



يله نقارن سوة و ايدك تظل بيدي



ايفل و برجه و هله و لندن و كل تكساس



يروحون فدوة و نذر لشارع ابو نؤاس




تحياتي الحارة لكل مغترب
__________________

الـضــاحــــ13ـــيــه
عضو برونزي
عضو برونزي

ذكر عدد الرسائل : 38
العمر : 32
العمل : طالب بكلوريوس
تاريخ التسجيل : 19/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

هام رد: رســــــــــــاله الـــى كــــل مغترب

مُساهمة من طرف عسوله العسليه في الجمعة فبراير 22, 2008 8:20 pm

كلامـــــــات نايـــــــــس وروعه في نفس الوقت بل تئلق الدائم ونشاء الله منضل مغتربين نرجع للعراق تقبل مروري
avatar
عسوله العسليه
عضو ماسي
عضو ماسي

انثى عدد الرسائل : 631
العمر : 31
العمل : طالبة قانون اوسياسه
الهوايه : النقاش العام
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى