خاطره حزينه لفتاة في ليلة عرسها...

اذهب الى الأسفل

يا عيني خاطره حزينه لفتاة في ليلة عرسها...

مُساهمة من طرف دلوعه ومغروره في الأحد فبراير 03, 2008 3:43 pm

بسمـ اللهـ الرحمنـ الرحيمـ..
في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ...
على قلبٍ شكى همه ..
وصبرٍ طال ..
تجيها أمها وتقول ..
خلاص يا بنيّـتي إنسي ..
قوّي قلبج الحاني وإقسي ..
نصيبج هو نصيبج ..
ما بيدينا شي ..
ولو كان الله كاتب لج حبيبج ..
ما وقف في دربكم شي ..
تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليج الله يا يمّه .. خبّريني اشلون اضمّه .. ؟!
واذا ودّه يكلمني ... وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!
تجيها أمها وتقول ..
خلاص فضيها من سيره ..
خلاص يا بنيّـتي إنسي ..
قوّي قلبج الحاني وإقسي ..
نصيبج هو نصيبج ..
ما بيدينا شي ..
ولو كان الله كاتب لج حبيبج ..
ما وقف في دربكم شي ..
بقولج شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص طرشيها ..
وخبيها عن الأنظار ..
وابي منّج وعد صادق ..
توصليها لذاك المغرم العاشق ...
وبعد ما يوصلج ردّه ..
على طول بلغيني بآخر الأخبار ..
ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..
تقول فيها ..
سلاماتي .. تحياتي .. وأشـواقـي الشديده
.................. على اللي روحه قبالي .. وأنفـاسـه بعيده
على اللي افترقنا غصب عن عينـي وعينه
.................. بعد ما كنت انا وهو نحلم بلحـظـه سعيده
بعيش بغربتي لحـالـي .. وهـو الله يعينه
.................. يكمّل نصفه الثاني .. ويلـقـى مـن تريده
مثل ما قالت امـي .. مـا لـنـا إلا قدرنا
.................. والا مـن زمـان المفتـرض إيـدي بإيده
يسامحك الله يالوالـد .. علـى عمـرٍ قتلته
.................. بعد ما ماتت ابنيتـك وش اللـي بتستفيده ؟
أنا آسفه على اعذاري .. وربي غصب عني
.................. نعم بتزوّج فلان .. بس بعيش عمري وحيده
محّد ممكـن انّـه يتـرس عيـونـي بدونك
.................. تذكّر كلمتي هـذي .. أنـا فـ حبّـك شهيده
تذكّر كلمتي أرجـوك .. لأنهـا مـن فؤادي
.................. فؤادي اللي ذبحوه اليوم.. وطعنوه فـ وريده
تذكّر كلمةٍ فيهـا شـعوري ومـا طـرى لي
.................. أنا فـ حبك شهيده .. وذي ترى آخر قصيده
وجتها الوالده عندها ..
وهي تحاول تغض الطرف ..
وتسألها ..
وش اللي بداخله هالظرف ؟!
أبيات ..
هي أبيات .. لحبٍ من حياتي فات ..
لحبٍ من حياتي طار ..
بسرعه ارجوج طرشيها ..
وهي تذرف .. دموعٍ نار ..
على هونج يا يمّه ..
على هونج ..
خلاص اطّمني انتي ..
بطرّش ما كتبتي ..
واستعدّي ..
بعد شوي بيزفونج ..
يزفوني ؟!!
وربي كان أهون لو يكفنوني .. !!
بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديج انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ...
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..
وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الإمارات ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم .. الله يسلمكم ..
والحمد لله الهنا في حجرنا بات ..
تطير البنت ناحية أمّها ..
اشتقت لج حيل يمّه ..
وهاتي حضنج الدافي ...
ترى مشتاقه أضمّه ..
وخبريني عن احوالج ..
عن اخبارج .. عساج بخير ؟
بخير يا بنيّـتي .. دامج بخير ..
بس ما سألتيني .. ؟!
خير يا يمّه .. خير ؟!
نسيتي إنج ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لج جواب ..؟
بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه احمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبج ما قدر يتحمّل الصدمه ..
مع كل الأسف ... مـــات !!!
للأمانه
م
ن
ق
و
ل
ه
دلوووعه ومغروره
avatar
دلوعه ومغروره
عضو ماسي
عضو ماسي

عدد الرسائل : 127
تاريخ التسجيل : 31/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

يا عيني رد: خاطره حزينه لفتاة في ليلة عرسها...

مُساهمة من طرف ammar في الأربعاء فبراير 13, 2008 6:56 pm

عاشت الايادي كلمات روعة من دلوعة روعة بانتظار جديدك يادلوعتنا

_________________

ammar
المدير العام
المدير العام

ذكر عدد الرسائل : 123
العمر : 34
تاريخ التسجيل : 18/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

يا عيني رد: خاطره حزينه لفتاة في ليلة عرسها...

مُساهمة من طرف دلوعه ومغروره في الأحد فبراير 17, 2008 5:54 am

يسلملي مرورك الغالي والله
خلك دوم منور صفحتي عمار
avatar
دلوعه ومغروره
عضو ماسي
عضو ماسي

عدد الرسائل : 127
تاريخ التسجيل : 31/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

يا عيني رد: خاطره حزينه لفتاة في ليلة عرسها...

مُساهمة من طرف haydralshatty في الإثنين فبراير 18, 2008 12:52 pm

كلمات جميله جدا والاحلى مشاركتج وتقبلي مروري

_________________


نرتقي الى الاعلى بجهودكم المتواصله في المساهمات في منتدى عشاق الليل

المدير الاول للمنتدى
حيدر الشاطي
avatar
haydralshatty
المدير الاول للمنتدى
المدير الاول للمنتدى

ذكر عدد الرسائل : 74
العمر : 36
العمل : خريج كلية الفنون الجميله
الهوايه : الصيد و ركوب الخيل و السباحه
تاريخ التسجيل : 16/11/2007

معاينة صفحة البيانات الشخصي للعضو http://3sha8.goo-boys.com

الرجوع الى أعلى الصفحة اذهب الى الأسفل

يا عيني رد: خاطره حزينه لفتاة في ليلة عرسها...

مُساهمة من طرف دلوعه ومغروره في الثلاثاء فبراير 19, 2008 9:52 am

هلا وغلا والله حيدر منور الغالي على مرورك
avatar
دلوعه ومغروره
عضو ماسي
عضو ماسي

عدد الرسائل : 127
تاريخ التسجيل : 31/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

يا عيني رد: خاطره حزينه لفتاة في ليلة عرسها...

مُساهمة من طرف دموع في الإثنين مارس 17, 2008 1:39 am

انه الناطح سحاب الغيض صيداه

ونه الجفه تلكه الريح صيداه

انه الحارت شماته شلون صيداه

الشبج والدان مانفعوش بيه
avatar
دموع
عضو ذهبي
عضو ذهبي

انثى عدد الرسائل : 59
العمر : 37
العمل : طالبه
الهوايه : القراءه
تاريخ التسجيل : 01/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى